यात्रामा फेरि

अनेकौं दृश्य रमण
अवलोकन गरुं भनी
अहोभाग्य देख्न पाउनु
घुम्दै छु म फेरि
छु यात्रामा फेरि !

अनन्त सम्मको भ्रमण
हंशिला मुहार सबका
बढ्दै जाउॅला, हिंड्दै जाउॅला
सुस्ताउॅला म फेरि
छु यात्रामा फेरि !!

हर्षको वर्षातमा रुझेर
तृप्त भैदिन्छ मन
ख़ुशी संगाली कण कण
माया अपार आकार
मनको दुंगामा फेरि
छु यात्रामा फेरि !!!

गोरेटो गल्छि गगन
आकाश धर्ती सारा
हवा बादल र पानी
यिनका रूप धरी
उड़दैछु म फेरि
छु यात्रामा फेरि !!!!

कविको खोजीमा

वन पाखामा खोज्दा शायद भेटिन्थ्यो होला
अफ़सोस ! तर, म जहाँ छु त्यहाँ वनपाखा छैनन
गण्डकी या खहरेको तीरमा टोलाईरहेको होला
भ्रम मात्र हो मेरो , किनकी यहाँ पानी बग्दैनन
हिडेको छु आज म कविको खोजीमा !

ती खेतका कान्लामा कविता फुर्ने गर्थे
खेत कहाँ पाउनु ? यहाँ त करेसा पनि छैन
पतझड़मा पनि पातसंग कविता झर्ने गर्थे
यहाँ त वसंत पनी त्यहाँ जस्तो छैन
हिडेको छु आज म कविको खोजीमा !!

अचानक मनमा प्रश्न उठ्यो , "कवि कहाँ गयो ?"
इट्टा, ढुंगा र बालुवामा कविता भेट्न गाह्रो छ
कंक्रीटको जंगलमा हरायो की , "कवि कहाँ विलायो?"
बिना हिमाल , हरियो डांडा कविता लेख्न गाह्रो छ
हिडेको छु आज म कविको खोजीमा !!!