"अर्थ"

तिमि मेरो - म तिम्रो
एक अर्काको अर्थ बनेको छ
जिवनको पूरक हाम्रो माया
यो श्वाँस तसर्थ चलेको छ
हावालाई सोध बादललाई सोध
हाम्रै प्रसंग चलेको छ
अगाध माया देखेर साह्रै
सबै दंग परेको छ
हृदय आफै गदगद भई
मुस्काउँछ एक्लै पनि
वर्षातमा मयूर सरि
नाच्दछ पंख फैल्याई
केवल आभाष मात्र पनि
मायाको! जादू जसै हुन्छ
सुनसान अनि कोलाहल
जता ततै तिमीलाई सुन्छ
लठ्याउँछन् नज़र बोलाउँछन्
तस्विर पनि बोल्दछन्
हराउँछु म बिलाउँछु
साथमा तिम्रो पुग्दछु