रंगमंच

पर्दा उठे पर्दा गिरे
बारी बारी कोई आए
नौटंकी खूब दिखाए
मनुष्य चोला हाए रे हाए !

तिमी

लाज मानी किन नजर ,
लुकाउन खोजेकी हौ
रातो गाला लाज मानी ,
अझै रातो भएकी छौ

नाकको फूलि झुल्कियो है ,
प्रभातको घाम सरि
हिमाल सरि चम्कियो है ,
सुन्दर तिम्रा दांत पनि

केश हो की बादल त्यो ,
बर्षातको बेला जस्तो
म त रुझें पिरतिमा ,
मायालुको खेला कस्तो

हत्केलाले मुहार छोपी ,
जून कतै छेकिदैन
तिमी जति माया गर्ने ,
अरु कोही भेटिदैन

झ्याउरे भाका

बाँशुरी गाऊँछ मधूर भाका शिषिर बनमा
सुरिलो बन्छ संगीत मेरो पिरती मनमा
प्रिये बसन दिलमा

खेतको कान्ला चढेर जाम्ला धानको बालिमा
मनमा बस्यो परेली आँखा ओंठाको लालिमा
सानी फूलको डालिमा

जोतेर हलो खनेर माटो पिरती रोपौंला
पछ्यौरी भिज्दा आँशुले तिम्रो मायाले छोपौंला
दुःख हाँसेर कातौंला

रातको जून चम्किला तारा तिम्रै शीरमा
आऊँला फर्की जहाँ गएपनि नरुनू पिरमा
जोवन तिम्रै भरमा

आउन जाऊँ नौडाँडा पारि बादलको देशमा
बाँशुरी मेरो श्रृंगार तिम्रो गोपिको भेषमा
तिम्रो बादालु केशमा

यो सन्देश नेपाल सरकार समक्ष्य पुर्याउन सबै देशप्रेमी नेपालिहरुमा मेरो अनुरोध छ

पार्दैछ्न टुक्रा चिरेर छाती नेपाल आमाको
कतिमा शहीद बनेर भाथ्यो एउटै छाना यो /

जातिको भेद तोडेर भाथ्यो नेपाल हाम्रो एक
एकता यस्तो तोडेर फेरि पार्दैछ्न हेर अनेक //

पशु पो हुन कि बुद्धि नै भ्रष्ट पागलहरु हुन
शिष्नुमा पानी लगाई दल घाउमा यिनका नून ///

जोडेर हात गरौं है विन्ती यी मुर्खहरुलाई
स्वार्थकोलागि देशनै भाँडने यी जन्तुहरुलाई ////

अज्ञानी मृगहरू

घास पात खाई , रमाई घुम्थे वनमा
उफ्री उफ्रिकन फेरि , ख़ुशी हुन्थे मनमा

के भयो चपलतालाई , जंगली तांडव गर्न थाले
भत्काईकन आफ्नै घरलाई, मृगहरू किन छाडा भए ?

सोझा भनी इनलाई चिन्थे , सायेद अब हरामी भए
शांतिका दूत इनलाई भन्थे , पर्यायेवाची अशांतिका भए

बुद्धि कहाँ विलायो ?, मृगहरू अज्ञानी भए
कस्को कर्म चिलायो !, मृगहरू अज्ञानी भए

मंद बुद्धिका मृगहरू , हत्यारा बाघ बन्दैछ्न
बंद छुरिका धारहरू , आफंतकै लाश गन्दैछ्न

ऐना ल्याएर देखाऊ , यी नामर्द बाघहरुलाई
ज्ञानको बाटो देखाऊ , यी अज्ञानी मृगहरुलाई

रगत बोल्दछ

खोलामा विष बगेर, मुहान सुकी जान्छन् 
रातको जून हटेर, चर्को घाम बन्छन् 
तिर्खाले कंठ सुक्दछ, अनि रगत बोल्दछ /

रुखमै फल कुहेर, जंगल ढली जान्छन् 
खेतहरू जलेर, अन्न श्राप बन्छ्न् 
भोकले आन्द्रा सुक्दछ, अनि रगत बोल्दछ //

घरहरू भत्केर, मशानघात बन्छन् 
छानोहरू चुहेर, भित्ता जब ढल्छन् 
आँशुले शिरानी भिज्दछ, अनि रगत बोल्दछ ///

झुत्रो वश्त्र बनेर, पटक पटक टालिन्छन् 
अर्ध नग्न भएर, हर शितमा कांप्दछन् 
जाडोले जब पोल्दछ, अनि रगत बोल्दछ ////